الشهادة الجامعية، هل هي مهمة؟

فى الحقيقه شركات كبير اعلنت وبتعلن على انها محتاجه موظفين فى مجالات معينه ومش شرط ان يكون معاك شهاده جامعيه والشركات دى كبيره جدا زى جوجل وابل

طبعا دى حاجه مهمه جدا وحاجه مطمئنه جدا لناس كتير ان مش لازم شهاده تثبت انك اتعلمت حاجه معينه فى مكان معين المهم انك اتعلمتها وبتعرف تستخدمها والشركه هتقدر تستفاد منك فى المجال ده

ناس كتير ممكن يكون عندهم شهادات فى مجالات مهمه بس فى الاصل هو معندهمش الخبره الكافيه اللى تؤهلهم فعلا انهم يشتغلوا فى المجال ده

وده طبعا مش معناه ان الدراسه الاكاديميه ملهاش لازمه او لا يتم اخذها فى الاعتبار عند تقييم الناس ولكن الفكره ان الشهاده مبقتش حاجز انك تقدم على اى وظيفه سواء فى مجالك الدراسى او غيره

اذن انت لو طالب وللأسف دخلت كليه بسبب مجموعك او كليه اجبرت عليها انت تقدر تستغل ده لصالحك وتبتدى فعلا تتعلم انت المجال الخاص بيك وتطور مهاراتك فيه لان هيكون لديك كل الفرص والظائف متاحه انك تقدم فى المجال ده بغض النظر عن شهادتك

ولو انت فعلا كفؤ فى المجال هتقدر تشتغل من غير اى شهاده اكاديميه غير ان الشغل فى اى شركه واستخدامك لمهاراتك اللى اتعلمتها فى مجالك هيكون احسن واقوى بكتير من انك تاخد شهاده جامعيه تثبت انك بتعرف تعمل المهارات دى

فعلا شكرا للشركات زى جوجل والشركات الكبيره جدا انها بتوفر حاجه زى دى مساعده للبشريه انها تكون احسن خاصه فى المجتمعات الى حد ما مهتمين بالشهادات الجامعيه اكثر من المهارات الفعليه

ودى خطوه كبيره للامام ان كل واحد يشتغل فى الحاجه اللى يحبها من غير ميكون عنده شهاده تثبت ذلك

اللى انت فعلا بتعرف تعمله هو الاهم مش مهم خالص انت اتعلمته من مين وفين ومعاك شهاده تثبت مهارتك ولا لا المهم انك بتعرف تعمله

نصيحه لكل المجبرين على مجال معين استغل فتره الكليه فى تعلم المجال الخاص بيك انت ومتخضعش للمجال اللى اجبرت عليه

فلابد أن يكون التقدير علي حسب المهارة و ليس تلك الورقة التي تثبت أنني درست أشياء معينة في جامعة ما لمده لا تقل عن 4 سنوات.

اترك تعليقاً