إزاي تتعلم الانجليزية بسرعة؟

إنك تكون شخص بيتكلم لغه غير اللغه الام دى ميزه قويه جدا وبما ان العالم كله دلوقتى بيتكلم انجليزى ف انت كمصرى او عربى بشكل عام مهم جدا انك تكون بتتكلم انجليزى كويس لان ده هيرفع فرصك للعمل فى وظائف كثيره جدا وبعائد مادى كبير

لو انت فعلا عايز تحقق ده لازم تفهم طريقه تعلم الانجليزى اللى من خلالها تقدر تحقق ده :

1- لازم تحدد هدف واضح جدا وصريح . انت ليه عايز تتعلم انجليزى ده من اهم الاسئله اللى انت محتاج تسألها لنفسك ولازم تكون اجابتك واضحه جدا مثلا (السفر – وظيفه – تعلم كورسات اجنبيه ) مينفعش تكون عاوز تتعلم انجليزى عشان يبقا شكلك كويس
او انك عايز تتكلم لغه تانيه وخلاص ده مش هدف وهيتنتج عنه انك هتستمر شهر وهتقف لما الملل يبدأ يدخلك ساعتها هتحتاج السبب ده عشان تتغلب عليه .

2- اعرف الطفل الامريكى ازاى بيتقن اللغه وعمره لا يتجاوز ال 5 سنين من غير ميتعلم القراءه او الكتابه او قواعد اللغه او حتى الكلمات . الموضوع كله ان الطفل ده محاط باللغه الانجليزيه بيسمع الانجليزى من الاب والام ومن كل الاشخاص المحيطه بيه .
وبيضطر الطفل انو ينطق ويرد بالانجليزى من الكلمات اللى سمعها ويغلط كتير يبقا انت محتاج فعلا انك (تحيط نفسك باللغه الانجليزيه ويكون ارتكاب الخطأ اخر حاجه تخاف انك تعملها وتتكلم مع اجانب من غير متخاف وتسمع اللغه باستمرار على مدار اليوم ) .

3- متركزش على القواعد وانت مبتدأ . لو انت مبتدأ جدا اتعلم الجمل البسيطه فى البدايه او الكلمات المهمه اللى تخليك تقدر تتكلم وترد بالانجليزى .

Cambly اهم التطبيقات او المواقع اللى محتاجها عشان تتقن اللغه بشكل سريع جدا هو تطبيق او موقع
– لان التطبيق ده من خلاله تقدر تتكلم مع اشخاص الانجليزى هي اللغه الام ليهم من جميع انحاء العالم وكمان هما مدرسين اللغه فى بلادهم
صوت وصوره والفيديو بيكون متسجل عشان لو حبيت تشوفه تانى وتقيم نفسك English Native Speakers بتتكلم مع
Speaking and listining بالاسلوب ده مستواك هيتحسن بشكل سريع جدا لانك بتدرب نفسك على اهم مهارات اللغه
لان المهارتين دول بيكملوا بعض ده لينك الموقع
Cambly.com

مشكله الموقع او التطبيق انو بفلوس وليس مجانى بس بجد دى احسن حاجه ممكن تستثمر فيها فلوسك لانها مش بس هتعلمك انجليزى هيا هتفتحلك ابواب كتير وهتوفرلك وظائف كتير .

ده فيديو بيوضح استراتيجية لتعلم اي لغة خلال ستة أشهر

اترك تعليقاً